8 мамыр күні Павлодар медициналық жоғары колледжінде Жеңіс күніне орайластырылған бірыңғай сынып сағаты өтті. Колледж студенттері мен оқытушылары Ұлы Отан соғысының батырларына құрмет көрсету және сол кездегі маңызды тарихи оқиғаларды еске алу үшін жиналды.
Түрлі форматта өткен іс-шаралар жерлестеріміздің ерліктеріне арналған кең ауқымды тақырыптарды қамтыды. «Өміріңді соғыс жырлады» мәнерлеп оқу сайысы аясында колледж студенттері соғыс жылдарындағы қасірет пен ерлікті бейнелейтін өлеңдерін оқыды. «Ұлы Отан соғысының қаһармандары-қазақстандықтары» атты тарихи викторинаға ерекше назар аударылды, оның барысында қатысушылар Ұлы Отан соғысы майдандарында шайқасқан және жеңіске зор үлес қосқан Қазақстанның көрнекті батырлары туралы көбірек білді.
Майданда ерлік пен қайсарлық көрсеткен павлодарлық батырларға арналған «Ұлы Отан соғысының батырлары-павлодарлықтар» атты сынып сағаты маңызды оқиға болды. «Олардың есімдері көшеге берілді» ақпараттық сағаты оқушыларға көшелер мен ескерткіштер атауларында мәңгілікке қалған батырлардың есімдерін есте сақтаудың қаншалықты маңызды екенін түсінуге көмектесті.
«Соғыс жылдарындағы әндер», «Жеңіс мәңгілік, оның сарбаздары да мәңгілік» атты тәрбие сағаты күрес пен жеңістің символына айналған музыка арқылы студенттер сол кездегі ахуалға қайта оралғандай әсер алды. Шара соңында «Майдан хаттары» атты сынып сағаты өткізіліп, оқушылар басынан кешкендері мен бейбіт болашаққа деген үміттерін баяндайтын жауынгерлердің хаттарын оқыды.
Павлодар жоғары медициналық колледжінде өткен іс-шара жастар арасында патриотизмді тәрбиелеу және Ұлы Отан соғысының тарихи жадын нығайтудың маңызды сәті болды.
