22 қазанда колледжіміздің акт залында еліміздің басты ұлттық мерекелерінің бірі — Қазақстан Республикасының күніне арналған салтанатты іс-шара өтті.
Оқу-тәрбие жұмысы жөніндегі директордың орынбасары Ж. З. Байгульжина педагогикалық ұжым мен колледж қызметкерлеріне адал еңбектері және колледждің дамуына қосқан елеулі үлестері үшін құттықтау сөздері мен шынайы алғысын білдірді. Салтанатты рәсім барысында директордың орынбасары колледж қызметкерлерін марапаттап, олардың жетістіктері мен ісіне берілгендігін атап өтіп, құрмет грамоталарымен марапаттады.
Іс-шара колледждің студенттері, оқытушылары мен қызметкерлерін біріктірді. Мерекелік атмосфера патриотизм, Отанымызға деген мақтаныш және оның тарихы мен жетістіктеріне деген құрмет сезіміне толы болды.
Салтанатты бөлімді колледж студенттерінің орындауындағы жарқын шығармашылық нөмірлер толықтырып, барлық қатысушыларға мерекелік көңіл-күй мен позитивті энергия сыйлады.
Барша ұжым мен студенттерді Республика күнімен құттықтаймыз! Сіздерге зор денсаулық, тыныштық, тұрақтылық, игілік және еліміздің игілігі жолында жаңа кәсіби биіктерге жетуді тілейміз!
