Іс-шара аясында қатысушыларға жасаған қылмыстары үшін жазасын өтеп жатқан адамдар туралы бейнеролик көрсетілді. Бейнеролик құқыққа қайшы әрекеттердің салдарын және қылмыстың адам тағдырына тигізетін әсерін көрнекі түрде көрсетті.
Кездесудің ерекше маңызды бөлігі есірткі заттарын таратқаны үшін жазасын өтеп жатқан сотталған адаммен нақты уақыт режимінде ұйымдастырылған телемост болды. Қатысушылар оның жасаған қылмысының салдарымен бетпе-бет келген адамның өмірлік оқиғасын тыңдап, тәжірибесімен танысуға және ойланбай жасалған әрекеттер мен заңсыз қызметке тартылудың қаншалықты ауыр зардаптарға әкелуі мүмкін екенін түсінуге мүмкіндік алды.
