Сабақтың мақсаты — білім алушыларда қартаю үдерістері мен тірек-қимыл жүйесі аурулары туралы тұтас түсінік қалыптастыру, сондай-ақ тірек-қимыл аппараты патологиясы бар егде жастағы науқастарды бақылау және күту ерекшеліктерін ашып көрсету. Сабақ барысында оқытуды цифрландыру элементтері қолданылып, топтық жұмыс ұйымдастырылды, сондай-ақ клиникалық ойлау мен практикалық дағдыларды дамытуға бағытталған кейс-тапсырмалар ұсынылды. Студенттер талқылауға белсенді қатысып, ұсынылған жағдайларды талдап, оқу үдерісіне жоғары деңгейде қызығушылық танытты.
