Аталған іс-шараға колледждің оқытушылары мен студенттері қатысып, өздерінің практикалық дағдылары мен кәсіби құзыреттіліктерін көрсетті. Алаң аясында мейіргерлік іс бойынша манипуляциялар, жүрек-өкпе реанимациясын (ЖӨР) жүргізу, сондай-ақ науқастарға шұғыл көмек көрсету үшін Геймлих әдісі және т.б. көрсетілді. Сонымен қатар, қатысушылар мектеп оқушыларымен белсенді түрде кәсіптік бағдар беру жұмыстарын жүргізіп, ақпараттық брошюралар таратып, медициналық мамандықтардың ерекшеліктерімен таныстырды.
